Етим Эминакай цIийи ктаб
ЦIийи ктабар  |  2(347) 2021      
     ЦIийи йисан вилик Москвадин «Азбука» чапханади Россиядин Илимрин Академиядин Шаркь Институтдин грифдик кваз лезги публицист Мансур Куьревидин «Етим Эмин (1840-1880)» тIвар ганвай ктаб чапдай акъудна. Илимдин редактор машгьур академик Абдусалам Гьуьсейнов тир и ктаб Къафкъаздин ва Россиядин эдебиятда вакъиадиз элкъвена. Чи машгьур арабист Гъалиб Садыкъидин архивдин гъилин хатIарикайни документрикай менфят къачуна кхьенвай и ктабда шаирдикай икьван гагьди маса ксаривай винел акъудиз тахьай делилар ва цIийи малуматар гьатнава.
    Мансур Куьревиди сифте яз Етим Эминан уьмуьрдихъни кьиникьихъ галаз алакъалу тир цIийи делилар винел акъудна, ам 1840-йисуз дидедиз хьана, 1880-йисуз рагьметдиз фейиди субутна. Гьавиляй ада вичин ктабдизни гьакI «Етим Эмин (1840-1880)» лагьай тIвар ганва. 
    Профессор Гьажи Гашарова ктабдиз кхьенвай аннотацияда къалурнавайвал, им «надир ахтармишун» я. Ада кхьенва: «И монографияда Эминан яратмишунар чирунин карда сифте яз гьам шаирдикай малум делилар, гьамни авторди винел акъуднавай шиирар, шаирдикай цIийи делилар авай гъилин хатIарин документар мукьуфдалди анализ авунва».
    Мансур Куьревиди гьа са вахтунда Етим Эминан багъри дустар тир Гьасан Алкьадарвидин ва Къазанфар Зулфикъарован шаирдихъ галаз рафтарвилерикайни гегьеншдиз кхьенва. Ада Гьасан Алкьадаридин «Диван ал-Мамнун» ктабдай кIелдайбуруз малум тушир шиирар анализ авуналди чIехи алимдин шаирдихъ галаз гьихьтин алакъаяр авайтIа, Етим Эмин Дербентдин азарханада къаткай вахтунда Гь.Алкьадаридивай вучиз адан кьилив физ хьаначтIа авайвал къалурнава. 
     Гъалиб Садикъидин архивдай ва «КIиридин альманахдай» Етим Эминан са кьадар шиирар лезги прессадиз акъудай Мансур Куьревидин ктабди мукьвал вахтара чIехи шаирдин уьмуьрдикайни яратмишунрикай генани зурба илимдин ахтармишунрин ктаб арадиз къведайдак умуд кутазва. 
 
«САМУР»

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Яран сувар Пример самоотверженности Иервал туькIуьрзава Кьулан вацIук сел кумай кьван... Яран сувар, жуван сувар
Статьи из этой рубрики
ЧIехи алимдиз гуьмбет Чаз ихьтин ктабар кIанзава “Гьажи Давуд” ктабдикай веревирдер Большой вклад в историю Aялриз хвеши жеда
ЦIИЙИ ТИЛИТ
№: 3(348)
апрель, 2021

Скачать PDF

РУБРИКИ
Шаирар
"Самур" - 30
Редакциядин дустар
Tarixin izi ilə
Qarabağ müharibəsi
Яран сувар
Yubiley
Люди и судьбы
Диктант
Дагъустан
Редактордин гаф
Чи кьегьалар
Чи классикар
"Самур" - 20
Мах
Жеч гьа!..
И чил хайи диге я
Dağıstan xalqları
ЦIийи ктабар
Milli Məclisə məktub
Добрые вести
Лезги чIалан месэлаяр
Марагълу инсанар
Новости Россотрудничества
Redaksiyaya məktub
Известные лезгины
Языки мира
Квез чидани?
Лезгияр вирина
SOS!!!
Юбилей
Известные лезгиноведы
С верой в душе
"Самурдин мектеб"
Чи адетар
Мораль
Məşhur ləzgilər
Новости на все голоса
Чи хуьрер
Хъсан хабарар
Чи адетар
Yeniliklər
Известные кавказоведы
Çıxışlarımızın əks-sədası
Алимрин веревирдер
Чешне къачу!
Чакай кхьенай ...
Эпитафия
Барка
Ша, лезги чIалал рахан!
Хабарар
Харусенят
Этнография
Тарихдин геле аваз
Поэзия
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ