Тамила Салманова: Ирид рангунин хважамжам хьтин
Поэзия  |  3(348) 2021      
    Тамила Салмановадин тIвар шиирдал рикI алайбуруз эхиримжи йисара малум хьанва. Адан шиирри чIалан иервилелди, фикиррин маналувилелди, рифмайринни  тешбегьрин девлетлувилелди кIелдайбур ялзава. Тамила Саидан руш Салманова 1983-йисан 15-апрелдиз Ахцегь райондин Ухулрин хуьре дидедиз хьана. Ада юкьван мектеб ЦIийи хуьре акьалтIарна. Аял чIавалай поэзиядал, шиирар теснифунал рикI алай Тамила алай вахтунда Бут къазмайрал яшамиш жезва. РикI ахъайдай кар я хьи, и пуд аялдин диде, кIвалин кайвани поэзиядив рикIе къени къастар аваз эгечIнава. 
     «Самур» газетда сифте яз вичин шиирар чап жезвай и лезги таватдиз чна яратмишунрин рекье агалкьунар 
тIалабзава.
 
ЧIаларин макан  Дагъустан
 
Хкаж хьанва лекь, лув гузва цавай,
Къармахра – чувал, чIаларив ацIай.
Чархунихъ раган галкIана чувал,
ЧкIана чилел анай яхцIур чIал.
 
Гьар са къефледи авуна чапхун,
Гьар са дередиз хьана са рахун.
ЧIалан сагьибар хьана дагъвияр,
ГатIунна абур лугьуз манияр.
 
Лежберни чубан, авай пак къастар,
Манидив хьана кIеви тир дустар.
Агъач-хъумузни, чуьнгуьрни, пандур –
Ислягь макъамда, дяведа – гапур.
 
Женгера пис ягъийрикай патан,
Мани мецеллаз, хвена кIвал-ватан.
ХьанатIани гьар миллетдиз са чIал,
Гъанач дуствилел лянетдин хал, тIал.
 
ЧIалар я яхцIур, адетар я сад,
Халкьар я яхцIур, хесетар я сад.
Садвални дуствал – чи гьунарни гуж,
КIеве гьатайла – лекьерин са луж.
 
Давамарзавай адетар хъсан,
Миллетар я ви са кIвал, са хизан.
Машгьур я вун къе дуьньяда еке,
Дагъларин уьлкве, чIаларин уьлкве!
 
Билбил
 
Вун зи багъдиз мани-макьам,
Гваз атана, чукурна гъам,
Уяхарна ксай илгьам,
Зи ашкъида гьатай билбил.
 
Бенд(е) хьай(и) туш икьван чIавал,
Ваз чир хьана тек, зи агьвал,
Ихтибарна кузвай рикI вал,
Руьгьдин ракIар гатай билбил.
 
Вегь арадал пайин дерт чи,
На мани лагь, зун – ви зилчи,
Вун Саидан яни илчи,
Кьуьчхуьр хуьряй атай, билбил?
 
Тухвана зун на ви рекьиз,
Ви гелева кичIез, регъуьз,
Мягькем туш хатI – ама гъуьргъуьз,
Пай гана ви патай, билбил.
 
КукIварай зи гъамарин кьил,
Катдай зунни гана вав гъил,
Кавха Пампур хьайла гъафил,
Гьа Саяд хьиз катай билбил!
 
Куьн авайвиляй...
 
Зак гьевес кутур, руьгь кутур зурба,
Захъ кьве лув ава, дидени буба.
Далудихъ галай  сад Шагь, сад Шалбуз,
Зи кьве стхани кьве дагъ я шаксуз.
 
Зи жигер-нефес – архаяр я зи,
Зи кьве вилин экв – рухваяр я зи.
Умуьрдин чешне, зи гьамга булах,
Зи фурсни дамах – зи  гъил кьадай вах.
 
Зи авай са руш – ам дидедин рикI,
Зи ширин бала – зи марвардин цуьк.
Зи далда-даях, зи кьилеллай таж,
Хзандин чIехид – умуьрдин юлдаш.
 
Зи играми тир къелемдин дустар,
Хайи чIал хуьдай авай пак къастар.
Шуьрбетдив ацIай цурун жем хьтин,
Ирид рангунин  хважамжам хьтин.
Куьн авайвиляй кIан я заз уьмуьр.
Чирна за квез зи хуррамвилин сир!
 
"Самур"
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
И чил хайи диге я “Самурдин” 30 йис жезва Къияс Межидов Гьаварар Син сувар
Статьи из этой рубрики
В поисках талантов Булахда яд ава СтIал Сулейманаз гуьмбет хкажна Лезги чIал кIанарзава Са маса тIям ава Ватандин чилихъ
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ