Эхиримжи йисара чи хуьрера къекъведайла са куьни зи рикI тIарзава. Виликан фирягьвални генгвал, иервални рикIиз чимивал ахквазмач инра. Гьиниз килигайтIани, акатайвал хкажнавай кьакьан къванцин паруйри инсандин рикI чуькьуьзва. Лезги хуьрериз хас тир эвелан ким, яни майдан амач. Элдинди тир уьлчуьйрин къерехра хилер бегьердикай хазвай майвадин тарарални дуьшуьш хъжедач вун. Са гафуналди, хуьруьк хуьрвал кумач.  Инсанри чпин кIвалер, салар рестеда твазва, гъенерин абадвилизни иервилиз фикир гузва, анжах я хуьруьн, яни чпин магьлейрин абадвилихъ гелкъвезвач. Садбуру вичин усунин вилик, магь-

леда экъечIнавай вергер кьванни михьзамач.  Булахрин акунар лагьайтIа, са масакIа я. Кьуд пад пластикдин бутулкаярни кагъазар тир и булахрай яд хъваз кIан жедач ваз. Са бязи хуьрера рестеда тунвай булахарни дуьшуьш жеда вал. Ингье абур туьхкIуьрнавай къайда чи халкьдин ацукьун-къарагъунив кьадайди туш. 

    Мукьвара зи рехъ Къуба райондин Афуржа хуьр галайнихъ алатнай. Ана «Дагъ гьавасы» лугьудай ял 

ягъидай чкада акур булахди зи фикир желбна. Адетдин вацIун къванерикай хъсандиз туькIуьрнавай и булахдин туькIуьрун рикIе ацукьдайди я. Ам арадиз гъунини са акьван харж тIалабдач.  Хуьрера булахар абадарзавайбуру адалай чешне къачуртIа хъсан я.

 

С.Керимова