Diqqət: İnsan taleyi! | 4(349) 2021
Redaksiyamıza bir gənc gəlmişdi. Qusar rayonunun Bədişqala kəndinin sakini Məclum Məclumov.
– Sizi deyib gəlmişəm, – dedi.
Onun səma kimi göy gözləri kədərlə dolu idi. Orta məktəbi bitirəndən tikintidə fəhlə işləyən, çətinliklə dolanan onun qisməti də çətin imiş. Övladsızlıq onun birinci evliliyinə 9 ildən son qoydu. İkinci dəfə evlənməyindən 7 il keçib, amma hələ də övlad üzünə möhtacdır.
Bu illər ərzində həyat yoldaşı Tamilla ilə getmədiyi yer, almadığı müalicə yoxdur. 2 dəfə EKO olunub, amma çarə tapmayıb. İndi ərlə arvad yenidən müayinə olunmalıdır, amma buna maddi imkanları yoxdur. Kasıblıq içində ömür sürən ailə hələ ötən müalicələrin borclarından qurtulmayıb. Uşaq həsrəti ilə 42 yaşa qədəm qoyan Məclumun qəhərlə danışdığı əhvalat ürəyimizi ağrıtdı.
Əl-ələ verib bu gö-zəl ailəyə kömək edə bilmərikmi? Bir manat, beş manat, on manat... Ayrı-ayrılıqda bu, böyük məbləğ deyil, amma yığılanda bir dərdin çarəsinə çevrilir. Bəlkə bu ailənin qismətində ay parçası kimi bir uşaq var? Bəlkə o, savabımızın yolunu gözləyir? İnanırıq ki, biz bir yerdə bu iki insanın kədərini sovuşdura, onları xoşbəxtliyə qovuşdura bilərik.
Məclumun kart nömrəsini aşağıda yerləşdiririk: 4169 7413 6973 0526 (Kapital bank)
Скачать PDF
Комментарии к статье
Будьте первым кто оставит комментарий к статье.Оставить комментарий