“Лезги газетдин” 100 йис я
Юбилей  |  5(350) 2021      
    Чи халкьдин уьмуьрда зурба вакъиа кьиле физва. Дагъустандин гьукуматдин лезги газетдин 100 йис тамам жезва. Им руьгь кутадай чIехи тарих я! 100 йис я «Лезги газетди» чи чIал, меденият, тарих хуьн патал женг чIугваз, кьегьалвилелди халкьдиз къуллугъ ийиз. «Лезги газет» лезги халкьдин мез, рикI, мефтI я.
Дагъустандин, гьакIни Азербайжандин лезгийриз, абурун ацукьун-къарагъуниз, яратмишунриз талукь макъалаяр чапзавай «Лезги газет» арадай сергьятар чIугунвай чи халкьдин руьгьдин муькъвез элкъвенва. Ада чи республикадин къелемэгьлийриз, жегьил шаирриз къайгъу къалуруни, абурун эсерар Дагъустандин кIелдайбурув агакьаруни рикIяй шадарзава чун. И къайгъударвал чна – «Самур» газетдин кIвалахдаррини гьисс ийизва. 
    «Лезги газет» чун паталди мектеб я. «Самур» газет акъудиз эгечIай сифте йикъара чун «Лезги газетдин» редакциядиз атанай. Кьилин редактор, тIвар-ван авай журналист Агъариза Саидов кьиле аваз коллективди чаз хийирлу меслятар ганай. Сифте яз чи газетдиз Дагъустандин кIелдайбурухъ галаз алакъаяр арадал гъун патал рехъ къалурнай. Чи алакъаяр къвердавай вилик фена. Алай вахтунда «Самур» газетдин редакцияди гьар йисуз анжах Дагъустандин кIелдайбурулай вишералди электрондин чарар къачузва. 
    Чи журналистрини  «Лезги газетдикай», адан тарихдикай, Дагъустанда кьиле физвай вакъиайрикай, тIвар-ван авай къелемэгьлийрикай «Самурдин» чинриз макъалаяр акъудзава. Гьа икI, шумуд йисар я чна къуьн-къуьне туна санал гьакъисагъвилелди кIвалахиз.
    Куь юбилейдилай кьулухъ чиди алукьзава. Виликай къвезмай йисан январдиз «Самур» газетдин 30 йис жезва. Чна газетдин юбилей гурлудаказ къейд ийида ва чи мярекатдиз квезни эверда.
    Алай вахтунда «Лезги газетдин» кьиле алакьунар авай жегьил журналист Мегьамед Ибрагьимов акъвазнава. Адан регьбервилик кваз куь коллективди газет генани метлеблуди ийиз алахъзава. Газет халкьдиз кIанарун патал эхиримжи йисара редакцияди кьиле тухузвай мярекатар, кардик кутазвай цIийивилер рикI ахъайдайбур я. Са гафни авачиз, информация чукIурунин йигинвал артух хьанвай, интернет кардик квай алай девирда газет акъудун, ам кIанарун са акьван регьят кар туш. Гьавиляй журналистрин вилик и рекьяй чпин кIвалах хъсанарунин, цIийивилер тунин, жавабдарвал артухарунин везифаяр акъвазнава. Чалай кIелдайбур жувахъ ялиз, абуруз кIани макъалаяр кхьиз алакьна кIанзава. Гьам «Лезги газетдин», гьамни «Самурдин» журналистри и кар кьиле тухун, халкьдихъ галаз санал кам камуна аваз вилик фин патал чIехи алахъунар ийизва. 
    Гьуьрметлу «Лезги газетдин» коллектив! Куьне чи кьилин газетдин тарих халкьдихъ галаз санал кхьена. Гьавиляй халкьдини вичин рикI алай чIалан гуьмбет хвена. Халкьдик умуд кутурди симинилай фида, лугьуда бубайри. Халкь «Лезги газетдин» далудихъ хьана лугьуз ам шегьредиз акъатна. Дамах кутадай, руьгь хкаждай кар ам я хьи, алай вахтунда «Лезги газет» виридуьньядин лезгийрин кьилин газетдиз элкъвенва. «Самур» газетдин кIвалахдарри ва кIелдайбуру квез 100 йисан юбилей рикIин сидкьидай тебрикзава, квез мадни чIехи агалкьунар тIалабзава. Аваз хьурай гьар са лезгидин хиве жавабдарвал твазвай, чи руьгьдин даях, чи журналистикадин мектеб ва халкьдин кьилин газет тир «Лезги газет»!
 
«Самур» газетдин коллектив

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Адан уьмуьр чешне я Ханбутай бег Яргунви Лезги генерал Aşıq nüsrətin son şeirləri Sizə minnətdaram
Статьи из этой рубрики
С 20-летием, “Оки”! Ləzgi musiqisi və poeziyası gecəsi "Лезги газет" - 100 РикIелай тефир мярекат СтIал Сулейманан мярекатдиз ша!
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ