"Самурдин" 30 йис жезва
Редакциядиз чар  |  5(350) 2021      
РЕХЪ КЪАЛУРЗАВА
   
    Гьуьрметлу «Самур»! И йикъара за сайтинай газетдин эхиримжи нумраяр кIелна. На лугьумир, виликай къвезмай йисуз чи рикI алай «Самурдин» 30 йис жезва кьван. Заз ва захъ галаз кIвалахзавай лезги жегьилриз акьван хвеши хьана хьи. Хвешизва чаз Бакуда икьван марагълу лезги газет акъатзава лугьуз. Куь чан сагъ хьурай. Садрани ара гумир газетдиз. Вучиз лагьайтIа ам чи халкь патал гьавани яд хьиз герек я. Чна газетдин чинриз акъатзавай чи тарихдиз, чIалаз, машгьур ксариз, медениятдиз, этнографиядиз талукьарнавай макъалаяр гьевесдалди кIелзава. Гьа са вахтунда квевай «Дуьньядин лезгияр» рубрика давамарун тIалабзава. 
    Играми редакция! Са шумуд йис инлай вилик, гьеле за Къубада юкьван мектебда кIелдайла куьне закай макъала чапнай, зи шикил газетдин чинриз 
акъуднай. А югъ зи рикIелай садрани алатдач. Вучиз лагьайтIа куьне датIана чи лезги аялрин къайгъу чIугвазва. Тек са «Самурдин мектеб» чин мисал гъун бес я. А чина чап жезвай грамматикадин материалри чаз чIал чирзава. Азизрин Севдади аялар патал кхьизвай махар гьикьван марагълу я. 
    Авайвал лугьун хьи, куьне чпикай кхьизвай гзаф аялри чIехи хьайила жемиятда ла-йихлу чка кьазва. Абурукай садни зIун я. За Англияда институт акьалтIарна ина кIвалахзава. Заз жуван хайи лезги чIал хьиз урус, ингилис ва литов чIаларни хъсандиз чида. За жув гьамиша «Самурдиз» буржлу яз гьисабзава. Куьне заз рехъ къалурна, зак руьгь кутуна. Гьавиляй за куьн садрани рикIелай ракъурзавач. «Самур» газет гьамиша аваз хьурай! Ада чаз лезгивал, жуввал хуьдай рехъ къалурзава. 
 
Эмиль Гуьлиев,
Лондон шегьер
 
РИКI АЛА
 
    Гьурметлу редакция! «Самур» газетди чи халкьдин кьегьалвилинни маруфатлувилин ивирар хуьн патал тухузвай кIвалах тай авачирди я. Газетди чи хайи чIал, милли меденият вилик тухуник чIехи пай кутазва. ЧIалан женгчи тир «Самурди» кьунвай рехъ вири кIелдайбурун хьиз, зи рикIяйни я. Адал чи виридан рикI ала. Завай хьайитIа, играми мугьман хьиз «Самурдал» вил алай вишералди кIелдайбуру зи гафариз къуват хгуда 
    Заз газетдин виликай къвезмай 30 йисан юбилейдихъ авсиятда жуван са фикир лугьуз кIанзава. Эгер чун газетдив мукьувай агат тавуртIа, ам кхьин тавуртIа, садбуру гележегда газетар амукьдач лагьай гафар дуьз жеда. Гьавиляй чна гьар сада жуван милли газет хуьн патал кIевелай алахъунар авуна кIанзава. Алай вахтунда  газет хуьнилай важиблу са карни авач. Заз газет кIелзавайбурухъ элкъвена лугьуз кIанзава: «Ша чна «Самур» гьар са хизандиз!» девиз кIвачел ахкьалдарин. Ам куьмек авачиз тан тийин. Гьар лезгиди кьве ватанэгьли желб авуртIа, чи хайи газет яргъалди яшамиш жеда. 
    Чахъ руьгь кутазвай газетдик рикIин сидкьидай агатайтIа, чавай газетдин 50 йисан ва 100 йисан юбилеярни къейд ийиз жеда. Виликай къвезмай юбилейдалди чна и кардикай хъсандиз фагьумна «Самур» чи гележег несилар патал герек тирди субут ийин.
 
Мурад Керимов,
Къуба шегьер
 

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
“Лезги газетдин” 100 йис я Адан уьмуьр чешне я Ханбутай бег Яргунви Лезги генерал Sizə minnətdaram
Статьи из этой рубрики
КТАБАР КIАНЗАВА Маршалдин чар Вириниз сейли хьанва Кьурагь дередин тават Хайи чIалан къадир хьуьх
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ