Хабарар | 7(352) 2021
Къарабагъдин эрмени чапхунчийрикай азад авунвай чилерал цIийи ракьун рекьер тухун къарардиз къачунва. Алай вахтунда 47 километрдин Берде-Куьчерли-Тезекенд рекьин проект туькIуьрнава. Ам кьилиз акъудун патал вири жуьредин къулайвилер арадал гъанва.
Виридалайни яргъи рехъ Гьорадиздай Агъбенддиз тухуда. И рекьин яргъивал 110,4 километр жеда ва ада Гьорадиз, Мержанлы, Магьмудлу, Солтанлы, Къумлакъ, Минживан, Бартаз, Агъбенд хьтин 8 станция галкIурда. Сифте яз Фуьзулидай Шушадиз 83,4 километрдин яргъивиле ракьун рехъ тухуда. И йикъара ина топографиядин кIвалахар кьилиз акъуднава. И рекьихъ Фуьзули ва Шуша хьтин кьве станция жеда.
Гьа икI, Делимамедлидай Келбежердиз тухудай ракьун рекьин эцигунрин планни туькIуьрнава. И рекьин яргъивал 88,4 километрдив агакьда. ЦIийи рекьери регион куьруь вахтунда вилик тухудай мумкинвал гуда.
Скачать PDF
Комментарии к статье
Будьте первым кто оставит комментарий к статье.Оставить комментарий