Хабарар  |  9(256) 2012      

Мад са кьегьалди лезги халкьдин тIвар хкажна. Алай йисан июлдин вацра Гьабиб Аллагьвердиева IBO версиядай дуьньядин чемпионвилин тIвар къачуна. Адан агалкьун лезги халкь патал чIехи сувариз элкъвена.
Пешекарри къейд ийизвайвал, Гьабибан кьетIенвал ам я хьи, эгер женг 12 бягьсиникай ибарат ятIа, лезги кьегьал 24 бягьс кьиле тухудай къуват кIватIна гьасирдал экъечI-зава. Гьа и карди адаз женг лайихлудаказ кьиле тухуз куьмек гузва.
Боксдай дуьньяда виридалайни кесерлуди тир The Ring Magazine журналди Гьабиб Аллагьвердиев и версиядай 63,5 килограмдал къведалди заланвал авай дуьньядин лап хъсан 10 боксчидин жергедик кутунва.