"Самур" - 20  |  12(247) 2011      

Мухлиса Куьберан руш Къадимова бухгалтер я, ам вичин хизандихъ галаз санал Бакуда яшамиш жезва. Чи газет ада цIуд йис инлай вилик кхьенва. Гьа чIавалай “Самурдин” таъсиб чIугвазва. Икьван гагьди ада вичин мукьва-кьилийрикай 20 касдив газет кхьиз тунва.
И мукьвара Мухлисади чун мад гъилера шадарна. Вичин ярар-дустарикай 18 кас газетдиз кхьена ада. Адахъ цIийи сиягь 30-дав агакьардай ният ава. Вичи лугьузвайвал, им юбилейдин вахтунда адан патай газетдиз савкьват жеда.
Чи редакциядиз илифай умун къилихрин дишегьлиди чаз алхишар авуна: “Самур” акъудзавай куь чанар сагъ хьурай. “Самур” чи дамах я. Вуч хъсан я хьи, дидедин чIалал акъатзавай газет ава чахъ! Вуч хъсан я хьи, адалди дамахиз жезва чавай. Жуванбурукай кхьизвай, чаз чун чирзавай, чаз чун кIанарзавай газетдин уьмуьрар яргъиди хьурай!
«Самур»