Харусенят  |  12(247) 2011      

Алай йис чи республикадин лезги художникар патал кутугайди хьана. Апрелдиз Франсада Азербайжандин медениятдин йикъар кьиле фейи вахтунда “ЦIаярин уьлкведин - Азербайжандин гилан замандин эсерар” тIвар ганвай выставка ачухарна. И мярекатда Гьейдар Алиеван Фондунин президент, ЮНЕСКО-дин хъсан къилихдин посол, Милли Межлисдин депутат Мегьрибан Алиевади иштиракна.
Выставкада азербайжанви художникрихъ галаз санал лезги сеняткаррикай Дарвин ва Решад Велибегов-рин ва Алияр Алимирзоеван эсерарни къалурна. Выставкадин иштиракчийриз Дарвин Велибегован са шикилдикай иллаки гзаф хуш атана. Гьатта Франциядин медениятдин министрди, Мегьрибан Алиевади ва масадбуру чпин суьгьбет чи художникдин шикилдин вилик кьиле тухвана. М.Алиевади ва адан руша Дарвинан эсердин вилик кьилди шикиларни ягъаз туна.

«Самур»