Инсанар, кьисметар  |  12(247) 2011      

Уьмуьрни тIебиат хьиз я: дегиш жедай, гагь ракъинин нурар, гагьни зулун харар багъишдай. Гагь ин-сандин мурадри цуьк акъудда, гагь четинвилери ам кIевера твада. Инсандиз регьят йикъарни аквада, дарвилерни. Гьа икI, гьар са инсандин яр-гъал йисарин бегьерлу кIвалахдиз рикIин сидкьидай къимет гу-дай вахтарни алукьда. Инсандин 60 йи-сарни ихьтин вахтарикай я.
И йикъара чи редакциядиз илифай Исмаил Бабаханован яргъал йисарин бегьерлу кIвалахдизни элди хъсандиз къимет гузва. Ам вахтунин имтигьанрай кьегьалвилелди экъе-чIай кас я, ярар-дустари лугьузвайвал, михьи зегьмет чIугунин, къени къилихрин чешне я.
Бабаханов Исмаил Мирзешери-фан хва 1951-йисан 10-ноябрдиз Азербайжандин Худат шегьерда дидедиз хьана. 1968-йисуз Вини ТIигьиржал хуьруьн юкьван мектеб акьалтIарай ам гьа йисузни Азербайжандин Политехнический Институтдин транспортдин факультетдик экечIна. Автомобилдин ре-кьер акъудунай кьетIен чирвилер къачур ада 1974-йисуз институт агалкьунралди куьтягьна. Гьвиляй И.Бабаханов кIвалахун патал “Азердевлетсенайелайигье” институтдин кьилин пландин ва транспортдин отделдиз ракъурна. Ина ада инженервиле, крар кьиле тухузвай инженервиле, группадин регьбервиле, проектдин кьилин инженервиле кIвалахна ва са вахтуналди отделдиз регьбервал гана.
 Гьукуматдин Про-ектдин Институтда кIвалахай йисара ада коллективдин патай гьуьрмет къазанмишна, вич ну-фузлу пешекар тир-ди субутна. А вахтунда институтди арадиз гъайи вири проектрик лайихлу пай кутуна.
 Вичихъ чIехи ала-кьунар авай Исмаил Бабаханова 2005-2009-йисара тек са Азербайжандиз ваъ, гьакIни къецепатан уьлквейриз сейли тир “Техномост” компанидин кьилин специалиствиле кIвалахна. Шумудни са объектрин (иллаки автомобилдин рекьерин) проектар туькIуьрдайла кьилин инженерди хьиз вичин алакьунар къалурна.
2009-йисан эхиррилай 2010-йисан июндалди Азербайжандин Адет-дилай Къецяй Тир Гьаларин Ми-нистерстводин Кьилин Эксперти-задин Идарадин кьилин специалиствиле кIвалахай И.Бабаханован алакьунар акур Туьркиядин АКИН Проже ММЪ проектдин компаниди ам кIвалахал кьабулна. Алай вахтунда ада ина кьилин пешекар хьиз кIвалахзава.
И йикъара вичин 60 йисан юбилей къейд авур Исмаил Бабаханов хизандин къайгъу ийидай касни я. Адахъ 6 велед ва 10 хтул ава. Чна адаз чандин сагъвал ва уьмуьрдин рекьера цIийи агалкьунар тIалаб-зава.
“Самур”