Режеб Гуьвен
Лезгияр вирина  |  2(261) 2013      

Алай вахтунда дуьньядин лезгияр сад-садав агудзавай, чара-чара уьлквейра яшамиш жезвай чи ватанэгьлийрин арада алакъадин муькъвер туькIуьрзавай ксарикай садни Режеб Гуьвен я. Интернетдин Facebook хиле ада лезги чIалалди арадал гъанвай чин кIелзавайбуру хушдаказ кьабулзава. И чина лезгийрин ацукьун-къарагъуникай, тарихдикай, медениятдикай, фольклордикай, лезгидалди чап хьанвай ктабрикай малуматар, гьакIни кIелзавайбурун веревирдер гузва.
Режеб Гуьвен лугьудай, вичихъ туьрк фамилия авай и лезги вуж я? Гзаф лезгийри хьиз зани жува-жуваз и суал гана. Эхирни жуван яратмишунрихъ авсиятда жузун-качузунар авур, зи са кьадар макъалаяр интернетдиз акъудай адакай "Самур" газет кIелзавайбуруз мукьувай чирвилер гун кьетIна за. Гьа и ниятдалди Режеб Гуьвеназ са шумуд суал гана.
- Гзафбуруз Режеб Гуьвенан тIвар таниш ятIани, адакай са       акьван чирвилер авач.
- Зи диде-буба Туьркиядин Балыкесир вилаятдин Кирне (гила адан тIвар Ортажа хьанва) хуьряй я. Абур 1863-йисуз урус пачагьди Дагъустандин Ахцегь райондай суьргуьн авур хизанрин веледар я. А чIавуз иниз куьчарай хизанри сад-садан патав пуд лезги хуьр кутунай. Чи хизан гуьгъуьнлай кьисметди бубади кIвалахзавай Маниса вилаятдин Сома райондиз акъуднай. Зун Сомада дидедиз хьана, ина юкьван мектеб, лицей куьтягьна. Ахпа 19 йисуз электриквал авуна, пенсиядиз экъечIна. Анжах чи хизанди Кирнедихъ галаз фин-хтун садрани атIанач, хуьруьнвийрихъ галаз ала-къаяр хвена.
- Куь хизан лезгидалди рахаз-вайни?
- Авайвал лагьайтIа, заз жув лезги тирди чир хьайила зи 14 яшар тир. Зун каш ацалтнавайди хьиз дидедин чIал чирунив эгечIна. И рекьяй заз хизанди, гьакIни зи халадин хва Мегьмета гзаф куьмек гана. Мегьмета чIагъан акьван хъсандиз ягъидай хьи, зи рикI юзадай. За адавай гьам чIагъан ягъиз, гьамни лезгидалди рахаз чирна. Мегьмета заз лезгийрикай, чи тарихдикай, адетрикай акьван марагълуз ихтилатар ийидай хьи, яб гуналди тух жедачир зун. Ингье лезгивилиз авай зи каш са куьнивайни алудиз жезвачир.
- Квез Туьркиядилай къецени лезгияр авайди чизвайни?
- Чаз Дагъустандани Азербайжан-да лезгияр яшамиш жезвайди чизвай. Ихьтин хабарар яргъарай агакьзавай чал. Гьеле советрин режим чкIан-вачир, фин-хтун авачир. Зи рикIел хъсандиз алама, 1983-йисуз Измир шегьерда международный выставка кьиле физвай. Россиядин стенддин патавай алатдайла заз лезгидалди рахазвай кьве кас акунай. Хвеши хьайи за абурув агатна "Саламалей-кум, стхаяр. Кефер-гьалар гьикI я?" лагьанай. Абур пагь атIана амукьнай:
- Ваз лезги чIал гьинай чизвайди я?
- Зун лезги я.
- Туьркияда лезгияр ава кьван?
- Гьелбетта, ина чи кьадарни тIи-мил туш.
Гзаф ихтилатнай чна. Хвешизвай кьван вуч тир чаз! Советрин режим чкIайдалай кьулухъ рекьер ахъа хьана, фин-хтун хьана. Зун Украина-дин Крым вилаятдин Симферополь шегьердиз акъатна, ана бизнесдив эгечIна. Къедалди гьана яшамиш жезва.
- Куьн лезгивилихъ ялзавайди вуч я?
- XIX виш йисан юкьварилай чун Туьркияда диаспора хьиз яшамиш хьанатIани, чна лезгивал, жуввал, чи къилихарни адетар квадарнач. Чи фамилияр туьркбур ятIани, чи руьгьда гьамиша лезгивал ава. Им са куьнивни гекъигиз тежер гьисс я. Чун дидейри гьа гьисс аваз хана. Чи дамаррай лезги иви авахьзава. За лезгивилелди дамахзава ва жуван хайи чIал гьар гьина хьайитIани хуьз алахъзава. Зи Faсebookдихъ галаз алакъалу алахъу-нарни гьа и кар паталди я.
- Аллагьди квез нуьсрет гурай!


Седакъет КЕРИМОВА

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Азиз Алем-75 Алимдин цIийи ктаб ЦIийи шиирар 12 гьарф Vətənin layiqli oğullari
Статьи из этой рубрики
Волгоградда дидед чIал чирзава Лезгийрикай цIийи фильм чIугунва Проголосуем за «ЛезгиЯр» Ярославлда лезги мярекат Камарванви тават
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ