Манийрин меле
Этнография  |  3(262) 2013      

     Хедижа Жалалан руш Мамедова 1924-йисуз КцIар райондин ЦIуру Худат хуьре дидедиз хьана. Гъуьлуьз фена КцIариз куьч хьайи дишегьлиди къедалди ина уьмуьр гьалзава. Лезги баядрал рикI алай Х.Мамедовади са береда вичиз ван хьайи кьван баядар рикI алаз мецел гъида. Вичихъ хтулар, штулар авай и бадеди чи фольклор хуьн гьар са лезгидин буржи я лугьуда.

 

Далдам алай ярдин мехъер,
Ягъаз тахьай сусан гьава.
Вун акурла цIай кьада за,
Жагъин тийиз рикIин дава.

На векьера векь ягъада,
За ви маргъар таз экъведа.
Ирид сина кIан хьай къелем,
За ви дердер гваз экъведа.

Къелема хьиз чIал ахъайиз,
Лагь ви чуьнгуьр таравани?
Гьар межлисдал бендер лугьуз,
Ви дердерни пара яни?

Акьахайла къавуз кул гуз,
Кард акъатна вини цавуз.
Зун аватна чIулав фуруз,
Низ гьарайда гъил яхъ лугьуз?

Къацу багъдин юкь эчIемир,
Ам къушариз тунвайди я.
ЦIай кутуна на зун кумир,
Зун Аллагьди канвайди я.

Чар кхьихь заз герен-герен,
Чан Куьредиз акъатай яр.
Гьикьван чIугван за ви дердер,
Ядченгидив агатай яр.

Зи Къуръанда вишни са чар,
Са чар кьуна эзбера яр.
Патан хуьруьз ганава зун,
Зи тIвар кьуна эвера яр.

Баку галай пад лагьайла,
Руьз-руьз фена нагъв вилерлай.
ГьикI эхин за хьайи крар,
Алатнава яр гьуьлерлай.

Гада, за вав рикI вуганай,
Тарар лацу цуькведамаз.
Мехъерин югъ тайинара,
Вун яргъарай хкведамаз.

Дагъларилай элкъвез атай,
Вун лувар квай ничхир яни?
Икьван кIани чун чаз тахьай,
Им дуьнядин эхир яни?

Шагьнабатдин лепедаллаз,
Гьуьлуьз физвай хам къизилгуьл.
Чан кIан хьана, тахьай къелем,
Вун акурла шезва гуьгьуьл.

Къацу багъда экъведайди,
Сад зун я лагь, сад кай Керем.
Эсли гъиляй акъатзава,
Ваз хьанвайди са вай Керем.

Ша, яр, чна гъил-гъиле кьан,
Гъил-гъилеваз гьуй жедайвал.
КIани ярдин кIвалин сиве,
Зи сур авай къуй жедайвал.

Чи багъдавай хел хайи тар,
Багъ цуькверив ацIанава.
Зун винелай шад аквамир,
РикI дердерив ацIанава.

На балкIандив къирмаж экIяй,
За ви балкIан хам ятIа кван.
Заз хуьрерай ванер къвезва,
А ви гафар там ятIа кван.

КIвалин кьулухъ румдин къубу,
КIвалер цIвена къум хьанава.
КIани ярди лагьай гафар,
РикIин къене гум хьанава.

Чи мектебдин чиле кьулар,
Яраб абур нарат ятIа?
Телебайрин юкьва авайд,
Зи кIани яр Сурат ятIа?

Истиканар аватиз хуй,
Чай шириндай къенд амани?
КIанид хьайи я бахтавар,
Мад ваз чидай фенд амани?

Ша тупIалар дегишарин,
Рекьидай кьаз тадарак хьуй.
Заз бейкефвал авач, къелем,
Це лагьайди мубарак хьуй.

За агъдикай елкен цуда,
Гатуз тутар авадариз.
Ярдин гъиле чуьнгуьр ава,
Зи канвай рикI аладариз.

Аскерарин яргъи шалун,
Кьиляй-кьилиз экъвена зун.
Буба фейи пад чин тийиз,
Йифиз-юкъуз ишена зун.

Чуьнгуьр кьуна багъдавай яр,
Чуьнгуьрдин сим кIар хьурай ви.
Заз гаф гана ченги гъайи,
Зун акваз рикI тIар хьурай ви.

Вун хвашгалди, сафагалди,
Чан зи рикIин экуьнин лаз.
Вун къарибдай мус хтана,
Къизил закIал гъилик галаз?

Зи капашда гелер ама,
Мехъерин къан хинедикай.
Яр къарибдиз акъатнава,
Вучда ихьтин дуьнедикай?

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
"Зи уьмуьр зи чIалан женг я!" Хачмаз виликди физва Шушада талыш чlалал радио? İgid Şargir
Статьи из этой рубрики
Яран сувар - жуван сувар Чан дидедин “Лезгинка” Ləzgi çörəyi КцIарин мярекат
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ