Хвена чна “Самур”!
Редактордин гаф  |  12(247) 2011      

Са вичик умуд кутурди алукьда, халкьдик умуд кутурди симинилай фида. Кьулухъ халкь галайда кьвал атIуда, лугьуда бубайри. Халкь галачиз, далу авачиз газетни акъудиз жедач. Им гьакъикъат я. Лезгийрин уьмуьрда чIехи вакъиадиз элкъвенвай “Самур” газетдин 20 йисан тарих чи журналистри халкьдихъ галаз санал кхьена.
Играми кIелдайбур! Куьне газет кхьеначиртIа, адаз лайих тир къимет ганачиртIа, чи умуми кIвалахдик къуьн кутуначиртIа чавай “Самур” акъудиз жечир. Чи зегьметдиз къимет гайи куьне чахъ руьгьни кутуна. Куь чарари, хъсан теклифри газет къвердавай марагълу авуна. Куь куьмекдалди чна гьар йисуз газетдив вишералди инсанар агудна, рикIелай тефир мярекатар кьиле тухвана.
20 йис я чна лезги халкьдин тарихар, меденият, ацукьун-къарагъун, адетар, хайи чIал ва литература теблигъ ийиз. Чна халкьдиз къуллугъ авур сейли ксар, чи зурба камалэгьлияр кIелдайбуруз генани хъсандиз чирзава. Тарихдин икьван гагьди малум тушир чинар винел акъудзава. 20 йис я чна йиф-югъ талана, четинвилеризни дарвилериз таб гана дидед чIалан, лезгивилин таъсиб чIугваз. Машгьурвални тIвар-ван паталди ваъ, рикIин тIалабуналди ийизва чна и крар. Вучиз лагьайтIа, чи халкьдихъ лугьуз тежер кьван чIехи ва къиметлу амаратар ава - тарихдин, илимдин, шииратдин, фольклордин, камалдин хазинаяр. Абур ачухарун, и гевгьерар халкьдив агакьарун чи хиве авайди хъсандиз кьатIузва чна.
Чахъ руьгь кутазвайбур гьакIни “Самур” газетдиз макъалаяр кхьизвай къелемэгьлияр я. Газет акъатай сад лагьай йикъалай абурун чарари “Самурдиз” абур гъана. Чи юбилейдин йикъара абур чна мад гъилера кIелдайбурун рикIел хкида. Газет кхьиз, ам кIелдайбурув агакьариз чаз мукьувай куьмек гайи кьегьал инсанар хьаначиртIа хуьз жечир чавай “Самур”.
Хвена чна “Самур”! Азербайжандин кьадардал гьалтайла тIимил тир маса халкьарин векилривай хуьз хьанач чпин милли газетар, чна лагьайтIа неинки ам хвена, гьакI газет халкьдин руьгьдин чешмедиз элкъуьрна. Вучиз лагьайтIа халкьдикай даях хьана чаз. Газетдин тираж са акьван чIехиди туштIани (2 агъзур), са газет 10-12 касди кIелзавайди, гзафбуру “Самурдин” тилитар кIватIна вилин нинияр хьиз хуьзвайди, редакциядиз чIалан Кябедиз хьиз икрам ийизвайди фикирда кьуртIа, чахъ агъзурралди таъсиб чIугвазвайбур авайди ашкара жеда.
20 йисан къене чна са институтди авур кьван кIвалахар кьилиз акъудна. Пуд агъзурдав агакьна къадим лезги гафар халкьдив агакьарна. Икьван гагьди чап тахьанвай кьве агъзурдалай виниз лезги баядар, вишералди бубайрин мисалар, цIудралди махар кIватIна чапна. Сифте яз цIудралди лезги къагьриманар винел акъудна абурукай макъалаяр кхьена. Чи машгьур ва жегьил къелемэгьлийрин яратмишунар теблигъ авуна. Лезги чIалан зурба алимрин кIвалахар, чи этнографиядиз талукь материалар, лезгийрин ацукьун-къарагъун, адетар тупIалай авуна.
Виликай кьвезмай йисан январдин вацра чи газетдин 20 йис тамам жезва. Им са уьмуьр я. И уьмуьр “Самурдин” коллективдини кIелдайбуру санал яшамишна. И чIехи вакъиа санал къейд авун чи эрзиман я. Им “Самур” кхьенвай, кIелзавай, адан къайгъудик квай, адахъ рикI кузвай гьар са инсан паталди чIехи сувар я. Им элдин сувар я. Лезги халкьди суварар гьамиша къуьн-къуьне туна, гъил-гъиле гана тухуда. И суварни чна санал, гурлудаказ къейд ийида. Куьн аваз хьурай, “Самурдин” кIелдайбур!

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
Аждагьандин йис алукьзава Юбилей гурлуди хьана Лезги чIалал рикI алай руш “Самурдин” дуст Имуча-муча...
Статьи из этой рубрики
Пара жезва ЧIехи хьанва Карчийри куьмек гуда Кьве гъвечlи аял Жегьилрин меркез
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ