Жавагьиран манияр
Харусенят  |  1(272) 2014      
      ЦIуд йис инлай вилик, Бакудин Жегьил Тамашачийрин Театрда кьиле фейи зи 50-йисан юбилейдин мярекатдал сегьнедиз зун манийралди тебрик ийиз Азербайжандин Милли Консерваториядин студентар тир ругуд рушни экъечIнай. Абурукай са рушан хъуьтуьл ва ширин ванци зун вичихъ ялнай. Мани тамамарайла зун абурув агатнай.
    - Зунни лезги я, - лагьана хъуьренай а руш - Жавагьир Абдулова.
    - Ваз «Сувар» ансамблдиз теклифиз кIан-зава заз. Вун къведани? - хабар кьунай за.
    - Къведа, вучиз къведач кьван? - уьтквемдаказ жаваб ганай ада.
     А чIавуз чи халкьдин дегь манийрикай тир, вичихъ шумудни са вариантар авай «Перизада» мани цIийикIа туькIуьрна халкьдив агакьарун зи чIехи мурад тир.      Ингье а мани патал сад-садав кьадай кьве ван герек тир. Сад авай - Жемила Залова, кьвед лагьайдахъ къекъвезвай зун. Лугьузвайдан ван хьиз вични иер хьана кIанзавай, вучиз лагьайтIа сегьнедиз иервал ярашух я. Ингье Жавагьир вири патарихъай кутугайди тир. Са шумуд вацран къене макьамчийрихъ галаз санал алахъунар авуна, студияда а мани кхьиз туна чна.
     Сифте яз рушари «Перизада» Москвадин Кремлдин дараматда Яран сувариз талукьарнавай концертдал лагьана. Иер милли пекер алаз сегьнедиз экъечIай, чпин чарчардин хьтин кьакьан, иер ванералди «Перизададал» илигай таватар залди кьабулай саягъ къедалди зи вилерикай карагзава.       Жавагьиран «Дидедин чIал» манини гьа икI, гурлу капаралди кьабулнай инсанри. Къедалди а мани хитдиз элкъвенва. Гьа икI, Жавагьира лезгийрин харусенятда вичин сифте камар Россиядин кьилин дараматда - Кремлда ве-гьенай.
     Гьа чIавалай инихъ гзаф йисар алатнава. Жавагьира лугьузвай лезги манияр мецера гьатнава. «Сувар» ансамблдихъ галаз санал шумудни са уьлквейра чи халкьдин меденият теблигъ авунва ада. Кьве йис инлай вилик Анкарада тухвай туьрк халкьарин манийрин фестивалда виш агъзур инсандин вилик экъечIна ада лагьай манийри ам генани пара кIанарна. Вичи кхьей манияр лайихлу манидарди лугьун гьар са автордин кьилин мурад я. Зунни бахтлу я хьи, зи манийрал Жавагьира чан гъизва.
     Адахъ са кьетIенвал ава. Манияр вичин рикIи, мефтIеди кужумайдалай кьулухъ халкьдив агакьарда. Гзаф маничийрилай тафаватлу яз, ам гьар са манидив кьилдин эсер хьиз эгечIда, гафарин манайрихъ агъвада, макьамдин дигайвилиз фикир гуда. Зи рикIел хъсандиз алама, къе гзафбурун рикI алай «Гатфар атанва» манидин гафарни мелодия сад лагьай гъилера завай ван хьайила адан вилерал накъвар акьалтнай: «Им зи мани я!» - лагьанай ада. Студияда и мани кхьидайла ам шумудра къагьарди бамишарнай, манидин гуьгъ лугьуз тежез къарсанай. Ингье кхьена куьтягьайла машгьур оранжировщик Назим    Агьмеда лагьанай: «Зурба мани хьана!»
      Жавагьираз сейливал гъанвай манийрикай садни зи «Чан дидедин» мани я. Сад лагьай йикъалай халкьди ам пара хъсандиз кьабулна. Ада и мани лагьайла залда ацукьнавайбурувай чпин вилин накъвар хуьз жезвачир. И манидихъ авсиятда вишералди чарар къачурдалай кьулухъ. 2012-йисуз «Сувар» ансамблдин вад лагьай альбом акъуддайла за адан тIвар «Дидедин чIал» туна. Алай вахтунда ам интернетда лезгийри виридалайни гзаф яб акалзавай манийрикай сад я.
      Жавагьиран акунрини адан сенятдиз кIанивили сад-садав кьазва. Лезги, азербайжан ва урус чIаларал фаса-гьатдиз рахазвай, вичихъ актервилин алакьунарни авай и таватди эхиримжи йисара «Сувар» ансамблдин концертарни тухузва. 
      2010-йисан зулуз са вацран къене «Сувар» ансамблдин макьамчийрихъ галаз санал Жавагьир Абдулова ва Руслан Пирвердиева КцIар райондин са жерге хуьрера тухвай концертар къедалди жемятдин рикIел алама. Агъзурралди инсанриз халисан сувар бахш авур и концертрин гзафбур Жавагьиран халисан «Бенефисар» тир. Багълара, кимерал, клубра, мектебрин залра кьиле фейи а концертра Жавагьиран алакьунар сад-сад винел акъатзавай. Ада гьам актерди хьиз, гьам маничиди хьиз, гьам юмордин устIарди хьиз вири рам авунай. И рушан дад квай, миже галай ихтилатрикай тух жезвачир инсанар. Ихьтин гуьруьшрикай са шумуд за и мукьвара фейсбукда эцигун кьетIнава.
     Жавагьир Маилан руш Абдулова Бакуда дидедиз хьана. Адан диде-буба Къуба райондин Дигагь хуьряй я. Ам дидед чIалаз икрамзавайбурун, элдин адетар хуьзвайбурун хизанда чIехи хьанва. Адан буба Маилни, диде Светани кIвенкIве чпин веледриз лезги руьгь гуз алахънава. Гьавиляй абурун веледрикай сад-садал дамахиз алакьдай, сад-садан даях тир вахарни стхаяр хьанва. 
     Сураханыдин 154 - нумрадин мектебда кIелиз-кIелиз Жавагьира музыкадин мектебдин гармондин синифдани чирвилер къачуна. Мектеб акьалтIарна А.Зейналлыдин тIварунихъ галай музучилищедик экечIай рушан вокалдай сифте муаллим республикадин халкьдин артист Натеван Шейхова хьана. Адавай сенятдин сирер чирай Жавагьир гуьгъуьнлай Азербайжандин Милли Консерва-ториядик экечIна. Ина машгьур сеняткар Агъахан Абдуллаевавай генани дериндай чирвилер къачур Жавагьира 2007-йисуз «Стар ва вун» тIвар ганвай республикадин жегьил маничийрин конкурсда иштиракна ва кьуд лагьай чка кьуна. Гьа йисуз адан «Заз са затIни чизвач» тIвар ганвай сад лагьай альбом акъатна.
      Жавагьир Абдуловади лезги, азербайжан, урус ва маса халкьарин чIаларал лугьузвай манияр къе мецера гьатнава. Анжах ам гьар са куьнилай вилик  лезги манидин дережа хкажай, ам генани сейли авур тават я. Ада чи халкьдин гьавайрин иервиликай, адан аваз-рин чешнелувиликай менфят къачуна лезги манидиз цIийивилер, цIийи нефес, алахьдачир рангар, лугьуз тежедай хьтин милизмаяр гъана. Адан манияр виливди хуьзвай инсанрив са хуш хабар агакьариз кIанзава заз: Жавагьира вичин лезги манийрикай туькIуьрнавай сад лагьай альбом гьазурнава. «Гатфар атанва» тIвар ганвай и альбомда халкьдиз кIани тир гзаф манияр гьатнава. Гатфариз лезги манидал рикI алайбурув альбом агакьарун патал кIвалахар тамамарзавай Жавагьиран сад лагьай солодин концертни гьа чIавуз кьиле фида. А югъ тек Жавагьиран ваъ, «Сувар» ансамблдин чIехи коллективдин, гьакIни лезги манидал рикI алай вири инсанрин сувариз элкъведа. 
 
С.КЕРИМОВА

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
"Самур" газетдин дустар Чи хуьруьн мехъерар Спасенные жизни Чемпион мира Ləzgi ellərində
Статьи из этой рубрики
«Сувар» ансамблдин 20 йис! Лезги фольклордин няни Решадан шегьре рехъ Розадин мурад Festivalda ləzgi musiqi səsləndi
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ