Милли къагьриман Чингиз Мустафаеван фондуни ва ANS компанийрин группади Азербайжан Республикадин Президент Илгьам Алиев 2013-йисан сейлиди тирди малумарнава. Алатай йисуз халкьдин чIехи паюни вич президентвиле хкягъай Илгьам Алиева Азербайжанди ООН-дин Хата-сузвилин Советдиз регьбервал гайи вахтунда чи уьлкве вири дуьньядиз сейли авуна, ам виликди тухун патал гзаф кар алай месэлаяр гьялна. Ада ЕС-дик квай уьлквейриз фин-хтун регьятарун патал визадин режим кьезилариз туна. Президент лайихлу хьанвай “Йисан сейлиди” премия 2001-йисалай кардик кутунвайди я.