Банкь
Мах Мах  |  1(272) 2014      
      Хьана кьван, хьанач кьван, са хуьре са гъуьлни паб. Абурухъ пуд хва авай. Чlехибур тир Шадри-кlанни Рикlшадан гъиляй гьар са кар къведай. Гьар са кlвалах абуру рикl алаз, бегьемдаказ ийидай. Дидединни бубадин гъилин ванер тир стхаяр. Гъвечlи стха, Рухсат лагьайтlа, вичин стхайрал атанвачир. Гъиле кьур кар кутугайвал кьилиз акъудиз алакьдачир адалай, гьавиляй аял чlавалай адал Банкь лакlаб эцигнавай хайибуру. Дидедизни бубадиз чпин гъвечlи хва чlехи веледрилай тlимил кlандачир, ингье кардай кар акъатиз кичlела адан хиве са кlвалахни твадачир.
     Садра Шадрикlни Рикlшад патан хуьруьз балкlан маса къачуз фида. Бубади Банкьаз лугьуда:
- Яхъ чан хва пер, вач салаз, чиликай картуфар хкудна акая чилел, кьурурай.
- Исятда фида, буба! Вири гьа вуна лагьайвал ийида! -  Вичелни кар гьалтна лугьуз хвеши хьайи Банкь тадиз салаз фида. Чил са тlимил эгъуьнин кумазни адан перцин кlуф кlеви са куьна акьада.  Накьвадикай ракьун сандух хкатда. Адал алай куьлег перцив яна алудай Банкь пагь атlана амай: сандух къизилрив ацlанвай. Бубадин гафар рикlел хтай гадади къизилар рагъ акьадайвал чилел экlяна, вичелай рази яз кlвализ хъфида. 
Бубади жузада:
- Гьикl я кlвалахар, чан хва? 
- За гьа вуна лагьайвал авуна, буба. Вири къизилар чилел экlяна. Рагъ бегьем акьазва жеди абура исятда.
- Вуч къизилар?
- Сандухда авайбур.
- Вуч сандухда?
- Чиликай хкатай.
- Вагь, ваз чиликай хазина жагъана тахьуй? Вун къизилар чилел экlяна кlвализ хтанвани? Уфф, Банкь хьи, Банкь! -  хъел галаз гьарайда бубади.  
    Бубани хва зверда салаз, анжах ана къизилар амачир, абур са ни ятlани чуьнуьхнавай. Чара атlай бубади Банкьаз лу-гьуда:
- Къведай гъилера вуч жа-гъайтlа, жуван перемдик кутуна хкваш кlвализ. Гъавурда акьу-нани?
- Акьуна. Акьан тийидай вуч ава кьван ина?
Экуьнахъ дидеди Банкь шахар гъиз тамуз ракъурда. Шахарикай бегьем шеле кьунвай Банкьаз ацукьна са геренда ял ягъиз кlан жеда. И чlавуз векьерин арада адаз кьуьгъуьр аквада. Фад ам вичин перемдик кутуна, шелени рикlелай алудна, зверда Банкь кlвализ.
Шахар гвачиз хтай гада акур дидеди жузуна:
- Гьинва вуна гъайи шахар, я бала? Перемдик квайди вуч я?
- Кьуьгъуьр я.
- Вучда адакай? Хьрак кутуна цlай ийидани?
   Бубади кьуьгъуьр акурла гьарайна:
- Им кьенвай кьуьгъуьр я хьи!
- За вуна лагьайвал авуна ман.
- Къведай гъилера ихьтин затl жагъайла ам виликай яргъал чкада кучука. Хьурайни, Банкь?
- Хьурай, буба!
Пакад юкъуз Шадрикlни Рикlшад цlийиз къачунвай лацу балкlан гваз хтана. Стхайрин чин чlуру яз  акур Банкьа абурувай хабар кьуна:
- Куь хатурдихъ ни хкlурнава ?
Рикlшада жаваб гана:
- Хкведайла тама балкlандин пурар мус аватнатlани хабар кьунач чна.
- Банкь, белки ваз жагъида жал? -  лагьана Шадрикlа. - Са хвеши ая кван жуван стхайриз, вач тамуз, жагъура  пурар.
- Заз жагъин тийидай затlни авайди туш!
   Вичин стхайриз хвеши ийиз кlанз Банкь зверда тамуз. Няналди ана къекъвей гададиз  эхирни жагъида квахьай  пурар. Ада бубади лагьайвал ийида: пурар чилик  кучудна, винелайни пешер алахна хъфида кlвализ. Рекье  гадади фикирзвай: "За вири крар чlехибуру лагьайвал ийизва, садрани абурун гафунлай элячlзавач. Бес заз абуру Банкь вучиз лугьузватlа?!"
    Кlвализ гьахьайла ада хвешила гьарайна:
- Авуна!
- Вуч авуна? - кичlез-кичlез жузуна стхайри.
- Куь пурар жагъурна, бубади чирайвал абур хъсандиз кучудна, винелайни пешер алахна. Гила абур мад садазни жагъич, лап заз жувазни, - са ялце лагьана Банкьа.
   Стхайрин пагь атlанвай. Абуруз чпин гъвечlи стха гатадани, я тахьайтlа адал хъуьредани, чизвачир.
   Эхирни Рикlшад чlалал атана:
- За ваз мад Банкь лугьуз эвердач!
- Бес гьикl эверда, даха? - хвеши хьана Банкьаз.
- Гила за ваз Семе Банкь лугьуда!
 
Азизрин Севда

Комментарии к статье

Будьте первым кто оставит комментарий к статье.

Оставить комментарий

Имя:     Email:

Так же в этом номере
"Самур" газетдин дустар Чемпион мира Спасенные жизни Чи хуьруьн мехъерар Жавагьиран манияр
Статьи из этой рубрики
Хъсанвилиз писвал Жив такур гъед Гатфар ЦIийи рагъ Хъсан дуст
ЦIИЙИ ТИЛИТ
№: 8(353)
декабрь, 2021

Скачать PDF

РУБРИКИ
Tarixin izi ilə
Gəncliyimiz – qürurumuz
Чи къагьриманар
Yubiley
Люди и судьбы
Шаирар
"Самур" - 30
Редакциядин дустар
Яран сувар
Qarabağ müharibəsi
Diqqət: İnsan taleyi!
İnam və iman
"Soyuq günəş"
ЦIийи фильм
Dünya xalqları
Чи тарих
Тарих авайвал
Müsahibə
Спасём планету
Dünya ləzgiləri
Дагъустан
Диктант
Чи кьегьалар
Редактордин гаф
Чи классикар
"Самур" - 20
Мах
ЦIийи ктабар
Жеч гьа!..
Dağıstan xalqları
И чил хайи диге я
Добрые вести
Milli Məclisə məktub
Новости Россотрудничества
Известные лезгины
Марагълу инсанар
Redaksiyaya məktub
Языки мира
Лезги чIалан месэлаяр
Квез чидани?
Известные лезгиноведы
Лезгияр вирина
Юбилей
SOS!!!
С верой в душе
"Самурдин мектеб"
Мораль
Чи адетар
Məşhur ləzgilər
Новости на все голоса
Чи хуьрер
Хъсан хабарар
Известные кавказоведы
Чи адетар
Yeniliklər
Чешне къачу!
Чакай кхьенай ...
Алимрин веревирдер
Çıxışlarımızın əks-sədası
Барка
Эпитафия
Ша, лезги чIалал рахан!
Хабарар
Тарихдин геле аваз
Поэзия
Харусенят
Этнография
Дагестан
Народы мира
Спорт
Инсанар, кьисметар
Редакциядиз чар
Чир-течир
Yeni kitablar
Фольклор
Чи сейлибур
Дайджест
Чи тавдин кIвал

ПОЛЕЗНОЕ